O‘ZBЕKISTONDA EKOLOGIK SIYOSAT VA YASHIL DIPLOMATIYA
Ushbu monografiyada O‘zbekistonda ekologik siyosat va yashil diplomatiyaning shakllanishi hamda rivojlanish jarayonlari tarixiy jihatdan ilmiy tahlil etilgan. Kitobda mustaqillik yillarida O‘zbekiston Respublikasida ekologik siyosatning tashkiliy-huquqiy asoslarini shakllantirish va takomillashtirish jarayonlari, ekologik qonunchilik tizimining rivojlanishi, tabiiy resurslardan oqilona foydalanish hamda muhofaza etiladigan tabiiy hududlar tizimini rivojlantirishga qaratilgan davlat siyosati, O‘zbekistonning global va mintaqaviy ekologik tashabbuslari, xalqaro ekologik konvensiyalar doirasidagi faoliyati, BMT va boshqa xalqaro tashkilotlar bilan hamkorligi, shuningdek, ekologik muammolarni hal etishda “yashil diplomatiya”ning zamonaviy tendensiyalari keng yoritilgan. Tadqiqot jarayonida sohaga oid normativ-huquqiy hujjatlar, statistik ma’lumotlar, ilmiy adabiyotlar hamda arxiv materiallaridan foydalanilgan. Mazkur monografiya oliy ta’lim muassasalari talabalari, tadqiqotchilar, ekologiya va tarix yo‘nalishi mutaxassislari, davlat boshqaruvi organlari xodimlari hamda ekologik muammolar bilan qiziqadigan keng kitobxonlar ommasi uchun mo‘ljallangan.