Ma'naviy ehtiyojlar yuksalishi-jamiyat rivojlanishining muhim omili
Mazkur monografiyada jamiyat rivojlanishining muhim omili sifatida ma'naviy ehtiyojlar yuksalishi bo‘yicha o‘quv-tarbiya jarayonlarini tashkil etishning ijtimoiy-falsafiy jihatlariga doir ilmiy-nazariy va amaliy materiallar mujassamlashgan bo‘lib, unda ijtimoiy falsafa fanida ehtiyojlar tushunchasi: mohiyati, mazmuni, ma'naviy ehtiyojlar o‘rganilishining nazariy-metodologik asoslari, ma'naviy ehtiyojlar yuksalishining ijtimoiy va madaniy asoslari, yangilanayotgan O‘zbekistonda ma'naviy-ma'rifiy islohotlar chuqurlashishining ehtiyojlar yuksalishiga ta'siriga doir ilmiy ma'lumotlar o‘z ifodasini topgan. Ayniqsa, monografiya bayonida mualliflarning ma'naviy ehtiyojlar yuksalishiga doir shaxsiy qarashlari, ilmiy-psixologik tahlil va xulosalari alohida o‘rin tutadi. Monografiya Oliy ta'lim muassasalarining ijtimoiy soha ixtisosliklarining talabalari va o‘qituvchilariga (ta'lim tizimida faoliyat ko‘rsatayotgan o‘qituvchilar hamda keng jamoatchilik uchun ham) mo‘ljallangan bo‘lib, Yangi O‘zbekistonda inson va jamiyat ma'naviy ehtiyojlarini zamonaviy taraqqiyot talablariga mos yuksaltirish, kutubxonalarda milliy-madaniy qadriyatlar tizimidagi bilimlarni oshirish, tafakkur erkinligini ta'minlash, dunyoqarashni kengaytirishga va ma'naviy-ma'rifiy targ‘ibot tadbirlarida amaliy foydalanishlarida yaqindan yordam beradi.